დიდი ძებნა

ფილდ ტრაილში (საველე შეჯიბრი) დიდი ძებნა იგივეა, რაც ფორმულა 1 - მანქანებში. სხვაგვარად რომ ვთქვათ, ესაა სრულყოფილი ძებნა ყველა ასპექტში.

ადრეულ ხანებში დიდ ძებნას - ინგლისური ძებნა ერქვა, როგორც სანადირო ძაბნას - ფრანგული.

დიდი ძებნა ხასიათდება სვლის სისწრაფით, პარალელების სიდიდით 300 – 500 მეტრი გამომყვანისგან ორივე მხარეს და იდეალური დაყენებით, რა თქმა უნდა სტილთან და ეფექტურობასთან ერთად, რომელიც ფილდ ტრაილში აუცილებელია!

სეკუნდირება უნდა იყოს სპონტანური. სასტვენის გამოყენება - მხოლოდ განსაკუთრებულ შემთხვევების დროს.

რატომ ასეთი მოთხოვნები?

პირველ რიგში იმიტომ, რომ დამტკისცდეს ძაღლის გამორჩეული კონტაქტის უნარი. რომელიც უზრუნველყოფს მის მართვას გამომყვანისგან ასეთ მანძილებზე. დააძალოთ ძაღლს დაგემორჩილოთ თქვენგან ახლო მანძილზე ძალიან მარტივია, მაგრამ სულ სხვა საქმეა დაიმორჩილო ძაღლი რამდენიმე ასეული მეტრის დაშორებით.

კიდევ იმიტომ, რომ დადგინდეს შემდეგი ფაქტი. ძაღლის სამაგალითო დაყენებისთვის, რომელსაც დიდი ძებნა მოითხოვს, მგეშავს ხშირად უწევს მოახდინოს გარკვეული ზეწოლა ძაღლზე მის დასამორჩილებლად. ამის მიუხედავად, დიდი ძებნის ძაღლი (ის თუ მართლაც შეესაბამება ამ დისციპლინას) არ კარგავს იმ ჟინს, რომელიც აძლევს საშუალებას დაამუშავოს მთელი მინდორი დიდი სისწრაფით.

საბოლოოდ ასეთი მოთხოვნები საჭიროა იმისთვის, რომ დამტკიცდეს ძაღლის შესაბამისობა აღნიშნულ დისციპლინასთან. დიდი ძებნა გამორჩეულ ფიზიკურ მონაცემებს მოითხოვს, რომელიც მიუხედავად დიდი დატვირთვისა უზრუნველყოფს ძაღლის ღისრეულად ასპარეზობას.

ამგვარად, დიდი ძებნის ჩემპიონი წარმოადგენს ელიტარულ მწარმოებელს საშენისთვის. რა თქმა უნდა ის ყოველთვის ჩემპიონ შთამომავლობას არ იძლევა აღნიშნული დისციპლინისთვის, მაგრამ ეჭვგარეშეა, რომ ტოვებენ ძალიან კარგ სანადირო ძაღლებს იმ მონადირეებისთვის ვისაც სურს ყავდეს მეძებარი მენტალიტეტით.

ლეგენდარული იტალიელი მგეშავი ჯინო ბოტო ამბობდა - უნდა გადაარჩიო ათასი ძაღლი, რომ იპოვო ის ერთი, რომელსაც ექნება თვისებები, რაც მისცემს მას საშუალებას გახდეს დიდი ძებნის ჩემპიონი. წარმოიდგინეთ ასეთი ძაღლი როგორი იშვიათი ბრილიანტია.

და ბოლოს, რომ მიხვდეთ რა არის დიდი ძებნის ძაღლი, მე აღგიწერთ ერთ სცენას რომელიც რამდენიმე დღის წინ შემემთხვა შეჯიბრზე, დიდი ძებნის მსაჯობის დროს.

ძაღლის გამოსვლის დასრულებამდე დარჩენილი იყო 3 წუთი, მე მივიღე გადაწყვეტილება შემეცვალა ადგილი და გადაგვენაცვლა სოფლის განაპირა მინდვრიდან - დიდ მინდორში. პირველ ნომრად ინგლისური სეტერი, რომელიც ესპანელ მგეშავს ჯ. რიკოს გამოყავდა (სავარაუდოდ ნაგულისხმებია Gregorio Garcia Rico) გავუშვით მარცხნივ. ის კარგად ჩაერთო ძებნაში და გაუყვა მწვანე მინდვრის კიდეს დაახლოებით 300 მეტრის მანძილზე. შემდეგ დადტრიალდა, 30 მეტრში ჩვენს წინ ჩაიარა და წავიდა მარჯვენა პარალელზე, რომელიც ასევე უშეცდომოდ ნიავის სრული კონტროლით შთანთქა. ჩვენგან დაახლოებით 450 მეტრის მანზილზე, ძაღლმა ლტოლვა დაიწყო და როგორც კატა გაიწელა ქარის მიმართულების საწინააღმდეგოდ. იმ მომენტში როდესაც მგეშავმა დაიწყო მოძრაობა ძაღლის მიმართულებით, ძაღლისგან 3 მეტრში კურდღელი გახტა. მეძებარი გაუნძრევლად რჩება ადგილზე. მგეშავი იხმობს ძაღლს რათა არ სურს გაიაროს თითქმის ნახევარი კილომეტრი მის ასაყვანად (ეგონა, რომ კურდღელზე იმუშავა ძაღლმა, დიდი ძებნის ობიექტი კი მხოლოდ გნოლია) ძაღლი კიდევ არ იძვრის, მგეშავი უკვე დაჟინებით იხმობს მას, მაგრამ კვლავ უშედეგოდ. და უეცრად, ძაღლიდან დაახლოებით 10 მეტრში წყვილი გნოლი ფრინდება. გამომყვანი ისვრის (სასიგნალო იარაღიდან გასროლა, აუცილებელია მუშაობის ჩასათვლელად). ძაღლი არ იძვრის. შედეგი შემდეგნაირია : ბრწყინვალე მუშაობა, პროვოცირებული კურდღლის სრული იგნორით. უეცრად მინდვრის ბოლოდან ტრაქტორი გამოჩნდა, მასზე მიმაგრებული საწამლი აპარატით. ტრაქტორი ძაღლის მიმართულებით მოძრაობს და უახლოვდება. დარჩენილია 50 მეტრი... 30... ტრაქტორი ერთი და იმავე სიჩქარით მოძრაობს, უკვე ყველა ყვირილს იწყებს და ხელებით ანიშნებენ რომ გაჩერდეს. ტრაქტორი, ძაღლიდან უკვე 10 მეტრშია, დარჩენილია 5 მეტრი... და უეცრად ჩერდება. ძაღლი მაშინაც არ განძრეულა, როდესაც თავზე მყრალი საწამლი სითხე ესხმებოდა... გვერდითა მსაჯს, ივ ტასტეს მეძებარი ხელში აყავს რათა გამომაყვანს მიჰგვაროს... დიდ ძებნაში ძაღლის დაყენება გამორჩეული უნდა იყოს! ეჭვიც არავის შეპარვია - ტრაქტორი რომ არ გაჩერებულიყო ძაღლი დაიღუპებოდა. ჩვენ იმდენად მძაფრი ემოციების ქვეშ ვიყავით, რომ ეს გამოსვლა ნამდვილად იმსახურებდა ტიტულ CAC -ს.

ქართული თარგმანი : გიორგი ციცქიშვილი